Exercicios de morfosintaxe en lingua galega/persoal/Colocación

• A colocación do persoal no Curso de lingua galega
• Wikipedia:Curso de galego/O persoal
  

Ir a:   Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico 

  A Normativa oficial do galego (na wikipedia galega) 

Exercicio 1

Nas seguintes oracións coloca o pronome átono onde corresponda, tendo en conta a negación, a entoación e se a oración é simple ou composta.

1. Que cousas … dixo ………! (lle)
2. Como ………… puxo …………! (se)
3. Non ………… fagas …………. (nos)
4. Moito ………… repetín ………, pero nunca …… fixo …… caso. (llo, me)
5. Di ……… a verdade, que eles ……… queren …… ben. (lles, te)
6. Nunca …… dixo ……… nada que …… molestase ………(lles, os)
7. Mal raio ……… parta ………! Eu non ……… aturo ……. (te, te)

Exercicio 2

Coloca o pronome átono onde corresponda.

1. Ninguén ……… fará ………… cambiar de opinión. (me)
2. Ningunha compensación …………… resarciría ……… desa perda. (vos)
3. Ningún dos amigos ……… abandonou ……… naquel transo. (a)
4. Eses ovos ……… facían ……… unha boa tortilla. (che)
5. Non ……… me ……… gorentan ……… os doces. (che)
6. Señores, eses ……… son ………… perigosos. (lles)
7. Señora, ………… son ………… ben bos estes grelos. (lle)
8. Todo ………… foi ……… un invento dela. (che)

Exercicio 3

Pronominaliza (é dicir, cambia por un pronome) o CI polo pronome persoal de 3ª persoa.
Coloca o pronome átono no lugar adecuado

1. Contamos aos nosos pais o que nos pasara na festa.
2. Non dixo toda a verdade á filla.
3. Iso trouxo a el problemas.
4. Terás que levar ao oculista os lentes vellos.
5. Has entregar ao profesor o traballo en limpo.
6. Non deas a eles o que non che deron a ti.
7. Deu un bico aos pais pola mañá.
8. Amosei ós visitantes os museos da cidade.
9. Sempre lles traio ese cuestionario.
10. Deu un premio aos fillos.

Exercicio 4

Pronominaliza o CI e mailo CD, facendo as contraccións que cumpra.
Coloca o pronome átono no lugar adecuado

1. Sirve o caldo aos teus irmáns.
2. Fai os deberes á súa irmá porque ela non sabe.
3. Di a verdade a estes homes.
4. Tróuxolles un regalo ben bonito.
5. 5. Ensinou ós alumnos todo canto sabía.
6. Darei a ela todo canto me pidas.
7. A vostede non lle quero esas nabizas.
8. Quen dera este pastel a elas!
9. Non fagas ese feo a el.
10. Hei dar a elas todo o meu.

Exercicio 5

Corrixe os erros das oracións seguintes.

1. Me parece que desta aprendinme a colocación do pronome.
2. Non che vin onte no cine.
3. Non se o prestes, que mérqueo ela.
4. Dime quen che o fixo.
5. Me verás ou non me verás.
6. Vos tedes que ir de contado.
7. Paréceme que estaste metendo de máis.
8. Díxolles que axudaríaos.
9. Se vésme pedir axuda, vaite agora mesmo.
10. Os acabei, os exercicios, por fin!

Solucións

Exercicio 1

1. Que cousas lle dixo!
2. Como se puxo!
3. Non nos fagas iso.
4. Moito llo repetín, pero nunca me fixo caso.
5. Di lles a verdade, que eles te queren ben.
6. Nunca lles dixo nada que os molestase.
7. Mal raio te parta! Eu non te aturo.

Exercicio 2

1. Ninguén me fará cambiar de opinión.
2. Ningunha compensación vos resarciría desa perda.
3. Ningún dos amigos a abandonou naquel transo.
4. Eses ovos facíanche unha boa tortilla.
5. Non che me gorentan os doces.
6. Señores, eses sonlles perigosos.
7. Señora, sonlle ben bos estes grelos.
8. Todo che foi un invento dela.

Exercicio 3

1. Contámosllelo.
2. Non lla dixo.
3. Iso llos trouxo.
4. Terás que llos levar / Terás que levarllos / Terasllos que levar.
5. Hasllo entregar / Has entregarllo.
6. Non llelo deas.
7. Déullelo pola mañá.
8. Amoseillelos.
9. Sempre llelo traio.
10. Déullelo.

Exercicio 4

1. Sírvellelo.
2. Faillos porque ela non sabe.
3. Díllela.
4. Tróuxollelo.
5. Ensinou ós alumnos todo canto sabía.
6. Dareillo.
7. A vostede non llas quero .
8. Quen llelo dera este pastel a elas!
9. Non llo fagas.
10. Héillelo dar / Hei dárllelo.

Exercicio 5

1. Paréceme que desta aprendín a colocación do pronome.
2. Non te vin onte no cine.
3. Non llo prestes, que o merque ela.
4. Dime quen cho fixo.
5. verasme ou non me verás.
6. Vós tedes que ir de contado / Tédesvos que ir de contado
7. Paréceme que te estás metendo de máis.
8. Díxolles que os axudaría.
9. Se me ves pedir axuda, vaite agora mesmo.
10. Acabeinos, os exercicios, por fin!

Ir a:   Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico 

  A Normativa oficial do galego (na wikipedia galega) 

• A colocación do persoal no Curso de lingua galega
  
• Wikipedia:Curso de galego/O persoal