Administración do tempo/Como ocupar "tempo morto"

Galilibro
ADMINISTRACIÓN
DO TEMPO
Introdución
Tempo de calidade
Desaproveitando o tempo
Hábitos persoais
Causas da morosidade
O valor do tempo
O uso do tempo
Administración de actividades
Organizar actividades
Datas de seguimento
Actividades e obxectivos
Beneficios do planeamento
Pondo prioridades
Eficiencia na oficina
O "tempo morto"
Conclusións prácticas
Avaliación periódica

Tempo comprometido editar

En moitas ocasións hai certo tempo no cal un realmente non está facendo aquilo para o cal comprometeu o seu tempo: minutos ou incluso horas de lecer cando se está esperando ou non totalmente ocupado.

Para a maioría da xente o tempo de espera é tempo perdido. Así a todo, cun pouco de planificación e resolución, un pode realizar varias actividades dentro dos minutos que gasta esperando ó xefe ou ó médico. Podemos planear o traballo de mañá, escribir unha carta ou buscar solucións a algún problema que nos inquiete.

Ross Webber coméntanos: “Un dos mellores administradores de tempo que coñezo sempre leva consigo tres cartafoles dentro do seu maletín:

  • Cartafoles beixes que conteñen asuntos pendentes, tales como cartas por contestar ou informes por revisar.
  • Cartafoles rosas que conteñen proxectos en vía de elaboración, como poden ser orzamentos, políticas, procedementos, ou plano de mercado, etc.
  • Cartafoles azuis que conteñen os soños dourados para o futuro; cando se ten unha idea luminosa, anótase na cartafol azul.

Se o tempo de espera é longo estuda os cartafoles azuis para determinar cal de tódalas ideas se pode converter no próximo proxecto e así transferila á cartafol rosa. En cambio se a espera é breve dedícate a procesar os aspectos máis o menos rutineiros que encontres no cartafol beixe”.

O anterior pode parecer esaxerado, pero se estamos preparados para darlle algún uso ó tempo que esperamos, poderemos ir eliminando tarefas pendentes que non requiren de moita atención e moito menos do noso tempo óptimo.

Outra forma práctica de ocupar dito tempo é levar con nós un libro -delgado- ou revista do noso interese. Desa maneira aproveitamos cada "tempo morto" en aumentar os nosos coñecementos. Colocar unha tarxeta telefónica usada a modo de separador aforraranos tempo ó buscar a páxina para continuar a nosa lectura.