Administración do tempo/Causas da morosidade
Morosidade editar
A morosidade é a inimiga do éxito. O éxito chega cando se fan no momento preciso as cousas realmente importantes que conducen ós resultados desexados. Así a todo, son esas cousas importantes as que usualmente adiamos.
Unha das razóns que nos inducen a pospoñer as cousas importantes é porque tendemos a confundir o importante co urxente, e os nosos días vense inzados de demandas e presións.
As cousas importantes moi de raro en raro exercen esta clase de presión, ata que acadan o estado de crise. O responder ó urxente e pospoñer o importante, garántenos unha cada vez máis elevada situación crítica nos nosos traballos e nas nosas vidas.
Para vencer á morosidade, necesitamos superar a inercia, a tendencia a non comezar unha determinada acción. Unha vez que demos inicio á acción, será máis doado continuala. O difícil é comezar.
A morosidade conduce na maioría dos casos a carreiras de último minuto, resultados por debaixo da calidade esperada, datas tope non cumpridas, vendas perdidas, clientes insatisfeitos, lentitude mental e tensión, o cal se traduce en máis tempo improdutivo. Isto diminúe a nosa efectividade.
O traballo mental das xerencias é tan importante como o facer as cousas eficiente e efectivamente.
As principais causas de morosidade son:
- Traballos non pracenteiros.
- Traballos difíciles.
- Indecisión.