Administración do tempo/Avaliación periódica

Avaliación periódica

Dúas semanas despois de comezar a esforzarte por mellorar a administración do teu tempo, completa o seguinte exame. Este indicarache as áreas onde todo vai ben e onde inda necesitas prestar atención.

Anota os seguinte puntos: sempre, 1; xeralmente, 2; ás veces, 3; rara vez, 4; nunca, 5; non se aplica, NA.

1. ¿Escribiches unha lista ben definida dos teus obxectivos?
2. ¿Planeas e rexistras o teu tempo de acordo cunha base diaria e semanal?
3. ¿Podes pasar longos anacos sen interrupcións cando o necesitas?
4. ¿Puideches diminuír ou eliminar crises repetitivas no teu traballo?
5. ¿Négaste a contestar chamadas telefónicas cando estás ocupado en actividades ou conversas importantes?
6. ¿Usas en forma produtiva o tempo en que esperas ou cando viaxas?
7. ¿Delegas todo o que é posible?
8. ¿Evitas que os teus subordinados che pasen os seus erros e dificultades?
9. ¿Tes un tempo tódolos días para pensar se estás facendo o correcto para lograr atinxir os teus obxectivos?
10. ¿Eliminas algunha causa pola cal desaproveitaches tempo a semana pasada?
11. ¿Cres ter un pleno control do teu tempo?
12. ¿A túa oficina e o teu escritorio están ben organizados e libres de papeis amontoados?
13. ¿Eliminaches ou reduciches algunha causa de perda de tempo durante as xuntas?
14. ¿Dominaches a túa tendencia a chegar tarde e adiar as cousas?
15. ¿Realizas o teu traballo de acordo coas túas prioridades?
16. ¿Resistes a tentación de meterte demasiado en actividades improdutivas?
17. ¿Controlas o teu horario para que outras persoas non perdan tempo esperándote?
18. ¿Cumpres coas túas datas límite?
19. ¿Podes identificar as tarefas decisivas que interviñeron na maioría dos teus resultados?
20. ¿Estás mellor organizado e estás logrando máis que fai seis semanas?
21. ¿Puideches reducir a cantidade de tempo que pasas atendendo ós visitantes inesperados?
22. ¿Controlas eficientemente as interrupcións e ós visitantes inesperados?
23. ¿Dominaches a habilidade de dicir “non” cando así debe ser?
24. ¿Estás ó día coas lecturas que máis che interesan?
25. ¿Contas con suficiente tempo para ti, diversións, estudo, servizo comunitario, familia?

Suma os puntos asignados a cada pregunta. Mentres menos puntos, mellor. Observa especialmente as preguntas que cualificases con “4” ou “5”. Estes aspectos representan áreas de mellora. Sincérate, o único que se verá beneficiado ó contestar este cuestionario honestamente serás ti.

Este exame pode aplicarse trimestralmente, mentres os vellos hábitos vaian presentándose, buscando reducir o total en cada aplicación.