Airsoft/Tácticas/Xogo nocturno

Galilibro
AIRSOFT
Introdución
Equipo
Réplica
Accesorios
Melloras
Outros elementos
Mantemento do equipo
Consellos
Tácticas
Comunicación

O xogo nocturno editar

O movemento pola noite é radicalmente diferente ao de día. A primeira cousa da que te darás conta será de que os teus sentidos están máis alerta ca durante o día. O oído é especialmente importante de noite. O teu movemento debe ser lento, e antes de poñer o teu pé no chan comproba a existencia de follas secas e pólas, para facer o teu movemento o máis silencioso posible.

O outro gran problema é a liña do ceo. Como probablemente saberás a noite non é completamente escura e se deixas aos teus ollos o tempo suficiente para afacerse, verás bastante ben. Unha das primeiras cousas que notarás é o claro que podes ver obxectos contra o ceo brillante. Isto é a liña do ceo. Para facelo doado, se algo crea unha silueta contra o chan, e ese algo es ti, serás disparado. Polo tanto a segunda regra é evitar a liña do ceo.

Se necesitas luz para ler mapas ou outra cousa, utiliza unha lanterna cun filtro vermello e mira ao obxecto iluminado, non á fonte de luz. A luz vermella non causa que perdas a visión nocturna. Leva uns 20 minutos afacer os ollos á pouca luz. Na escuridade os ollos funcionan de xeito diferente, e se miras directamente a un obxecto, aparecerá borroso e escuro. No seu lugar, mira ao redor do obxecto, e move o foco de visión ao redor del. Intenta mirar cun fondo brillante, como o ceo, e verás máis claro. Se hai lúa, verás mellor con ela ás costas. Os obxectos percíbense de xeito diferente pola noite e o día, e se é posible aprende o terreo durante o día, para que che sexa máis doado velo pola noite. Os prismáticos son útiles pola noite debido a que recollen a luz, pero usa só a parte baixa do seu campo de visión.

De noite é difícil manter formacións e é doado perder o contacto cos teus compañeiros de equipo, pero as mesmas técnicas que se usan de día funcionan, aínda que quizabes queiras acurtar as distancias entre homes á metade. Isto significa que debes ser capaz de ver ao teu compañeiro cando se move, pero non cando está quedo.

Combate nocturno editar

O primeiro problema co combate nocturno é que as miras abertas son inútiles, pero se están pintadas con pintura luminosa ou con tritio pódense usar de noite ou con pouca luz. Un punto na míra dianteira, e dous puntos na traseira é o mellor. E o máis importante de todo, comproba o obxectivo e o teu campo de tiro para que poidas identificar os brancos antes de disparar.

Comunicacións nocturnas editar

Os sinais de man son a miúdo totalmente inútiles de noite xa que é probable que os teus compañeiros non poidan velos. Utiliza pequenos son e golpes no corpo para comunicarte. Unha serie de golpes curtos é o mellor método, pero require que esteas preto do teu compañeiro. Unha radio de comunicacións cun auricular e sinais morse son útiles, e incrementan a distancia á que te podes comunicar. Os micrófonos de garganta son excelentes, pero caros. Quen os usa só debe rumorear e a súa voz oirase perfectamente polos auriculares.

Bengalas de sinalización editar

Se te atopas iluminado por unha bengala, inmediatamente pecha un ollo e intenta non mirar á luz. Así non perderás a visión nocturna. Pechando un ollo conservarás parte da visión nocturna. Non caias no pánico, utiliza disparo e movemento para retirarte de xeito coordinado. Berra as ordes, xa que o inimigo sabe onde estás. É máis importante facer unha boa retirada que ser divididos. Se es ti quen usa as bengalas, intenta colocalas de maneira que o inimigo mostre a súa silueta diante da luz causada pola bengala, ou que sexa iluminado directamente. As bengalas de sinais son boas tamén para outras cousas, como ser reclamos.

Control do lume editar

O ser capaz de utilizar a cantidade e o tipo de lume adecuados a unha situación dada pode ser o factor decisivo para gañar unha partida. Calquera confrontación baséase a miúdo é obter a superioridade de disparo. Se un equipo consegue a superioridade e é capaz de mantela, a confrontación está gañada. Ou polo menos é a teoría...