Airsoft/Comunicación

Para que un equipo funcione eficazmente require comunicarse. Polo tanto a comunicación debe establecerse e manterse durante unha operación. O teu compañeiro debe saber que estás facendo, e cando o estás facendo. O xeito máis doado de facelo é falando. O sentido común dinos que o falar non é adecuado se o sixilo é importante. Os sinais de man ou outra forma de comunicación empregaranse nestes casos. A comunicación por radio incrementa a coordinación do equipo en distancias longas e pode subir a moral. Algunhas ordes verbais axudan bastante, e os outros membros do equipo deben responder cando as entendan, de maneira que non haxa equívocos.

Comunicación oral

• ¡Recargando!: Dáse cando un membro necesita recargar a súa arma. Non debe comezar a recargar ata que o seu compañeiro confirmou con ¡Cubrindo!: Mentres recargas debes estar pendente da túa área de ameaza.
• ¡Cubrindo!: Esta é a resposta da persoa que cobre cando o seu compañeiro está recargando. Con este procedemento a persoa que cobre debe manter os ángulos de fogo baixo a súa cortina de cobertura.
• ¡Cúbreme!: Esta orde úsase cando necesitas lume de cobertura para poder moverte. Non empeces a moverte ata que o teu compañeiro confirme con ¡Cubrindo!.
• ¡Movendo!: Esta fai saber ao teu compañeiro que te estás movendo e podes cruzar o seu campo de tiro. O outro membro do equipo debe baixar o seu canón e estar máis alerta.
• ¡Suspensión!: Esta orde non só informa ao teu compañeiro que tes un problema, senón que lle indica tamén que debe cubrir ambos campos de visión, e que non terá respaldo ata que non arranxes o teu problema.
• ¡Ferido!: Se impactan en ti debes dar esta orde, e é a responsabilidade dos demais o cubrirte e evacuarte. Debes manter a cobertura sobre o teu sector.

Estas ordes deben especificarse para cada misión concreta, de maneira que se cubran necesidades específicas. Pode ser intelixente substituír estas ordes con palabras clave, para que o inimigo non entenda o que estás facendo.

Sinais de man

Os sinais de man úsanse para coordinar un equipo e comunicarse silenciosamente. O ideal é que cada equipo de xogadores invente o seu propio código para evitar que o contrario saiba o que significa.