Airsoft/Melloras

Tras un tempo moitos xogadores empezan a pensar en melloras para a súa arma. A primeira en que pensan probablemente é en incrementar a velocidade de saída para gañar distancia extra. Pero as únicas réplicas que necesitan incrementar o seu rango son os rifles como os de francotirador. Melloras importantes non aumentan o rendemento, senón que alargan a vida da arma e fana máis resistente. Moitos xogadores confórmanse con cambiar a batería a unha máis grande, e instalar un resorte lixeiramente máis forte.

Cando unha réplica de arma de Airsoft se mellora para incrementar a velocidade de saída a esperanza de vida da arma reducirase. A potencia dunha réplica de arma de Airsoft depende de tres factores: a forza do resorte que empuxa cara adiante o pistón, a cantidade de aire que o pistón comprime e a precisión do canón. Cando unha réplica de arma se mellora moito convértese nunha ferramenta especializada para escaramuzas serias de Airsoft, e disparar en baleiro (sen bólas) forza moito máis as pezas.

Resorte

Hai dúas formas de medir a forza dun resorte comparado cun resorte padrón: sistema porcentual e sistema de metros por segundo. Unha AEG padrón ten unha velocidade de saída de 90 m/s (100%) cunha bóla de 0.20g. Un resorte M100 incrementa esta velocidade a 100 m/s. O resorte correspondente en sistema porcentual sería un 110%. Hai resortes M100, M120, M130, M140, M150 e M160. Un resorte moi potente necesita que toda a caixa de engrenaxes se cambie.

Chumaceiras e arandelas

Os eixes dentro da caixa de engrenaxes engánchanse á carcasa mediante pequenas chumaceiras de plástico, e estas acabarán rompéndose. Se estas chumaceiras se cambian por unhas de metal a vida da caixa do motor incrementarase (algúns xogadores din que ao dobre). As arandelas aseguran que as engrenaxes estean aliñadas de xeito preciso. Estas arandelas pódense cambiar a unhas sintéticas para reducir o rozamento, aínda que persoalmente confío máis nas de metal ca nas sintéticas.

Canón

O canón é unha réplica de arma padrón de Airsoft ten un diámetro interior de 6,12mm. Se este canón se cambia por un canón de precisión cun diámetro interior de 6,04 mm, a cantidade de aire que se filtra polo espazo entre a bóla e o canón redúcese, e o beneficio é que se perde menos impulso. Gáñase aproximadamente un 5% extra de velocidade. A desvantaxe é que o canón sofre máis atascos. Un canón longo incrementa o rango, pero non pode ser moi longo porque senón teremos máis aire dentro do canón cá cantidade que pode aportar o pistón. Pódese crear un baleiro e retardar ao proxectil.

Existe un método chamado corte de cráter. Provoca que xusto antes de que a bóla abandone o canón, o aire saia e provoque un buraco no muro de aire que se forma na boca da arma. Non é algo que use o xogador común e só se usa por xogadores que intentan incrementar a distancia o máis posible.

Batería

Se a voltaxe dunha batería se incrementa, tamén o fan os disparos por minuto dun motor de AEG. Tódalas baterías padrón teñen un voltaxe de 8.4V e a única diferenza entre os diferentes tamaños é a capacidade. Unha batería grande ten unha capacidade de 1300 mAh, mentres que as outras baterías pequenas teñen 600 mAh. Isto significa que unha batería grande dará ao redor do dobre de disparos. Melloras na caixa de mecanismos reducen o ratio de disparo, polo que se usas unha batería cunha voltaxe máis alta, tal como 9.6V ou 10.8V non notarás unha redución, ou ata se pode incrementar a cadencia de disparo. Unha voltaxe máis alta desgasta máis rápido o motor, polo que se necesitará máis mantemento. É posible utilizar unha batería de 12V para alimentar unha AEG, pero non é recomendable debido a que se incrementa moito o desgaste, os contactos do gatillo quéimanse antes, e o tempo de servizo redúcese visiblemente.

Unha batería con máis capacidade (máis mAh) pode ser usada durante máis tempo, e pode disparar máis veces. Unha réplica de arma mellor necesita máis corrente, e a cantidade de disparos que se poden facer reduciranse a menos que se use unha batería máis grande. As baterías comúns son de NiCd (níquel cadmio), pero existe outro tipo chamado NiMH (níquel metal hidruro). O NiMH ten normalmente máis capacidade (mAh), pero non poden proporcionar correntes moi altas, polo que non funcionarán ben coas réplicas de Airsoft, a menos que sexan moi grandes (sobre os 3000-5000 mAh).

Engrenaxes

As engrenaxes dunha caixa de motor padrón teñen unha esperanza de vida duns 30.000 disparos. As engrenaxes de recambio durarán máis, ao estar feitas con mellor material. Hai xogos de engrenaxes que incrementan o ratio de disparo e reducen a potencia do motor, ou reducen o ratio de disparo e aumentan a potencia do motor. As engrenaxes de corte helicoidal son especiais, no sentido de que teñen mellor agarre entre elas, e non se enganchan tan doadamente coma os padrón. O maior provedor de melloras e repostos é Systema.

Inxector

É un pequeno inxector de metal ou plástico que transfire o aire do cilindro ao proxectil. É unha mellora barata e a velocidade do proxectil increméntase lixeiramente.

Motor

Moitas melloras reducen o ratio de fogo. Cambiando a un motor máis potente o ratio de fogo non se reduce tanto. Unha AEG mellorada debe ter polo menos un motor EG700. O motor máis potente é o EG1000. Tódolos novos modelos que lanza Tokyo Marui teñen motores EG1000, pero moitos dos modelos antigos teñen o EG700 ou ata o EG560. Non tódalas AEG poden mellorar o seu motor. Se o resorte non se substitúe por algo máis potente ca un M120 o motor EG560 pode funcionar, pero a batería deberá cambiarse a unha de 9,6V ou ata 10.8V.

Pistón

Un pistón pode estar equipado cunha cabeza silenciosa ou unha anti-baleiro. A cabeza de pistón silenciosa reduce o impacto que o pistón fai no cilindro, e tamén reduce o ruído. A cabeza de pistón anti-baleiro prevén que se forme un baleiro no cilindro.

Caixa de engrenaxes (Mechbox)

É unha nova caixa de engrenaxes con mellores engrenaxes, un resorte máis duro, inxector e outras melloras. Non é unha mellora barata, pero a resistencia e a esperanza de vida increméntanse, do mesmo xeito cá potencia de disparo e o rendemento xeral. Unha nova caixa de engrenaxes non está dispoñible para tódolos modelos, como o FA MAIS, que non dispón de melloras na caixa de engrenaxes.

Hai diferentes versións das caixas de engrenaxes, xa que se usan en diferentes modelos de arma.

Versión 1: úsase só no FA MAIS. Versión 2: é a máis común e úsase no M16, o G3 e a serie de MP5. Versión 3: úsase nos AK47, MP5K/MP5K PDW e Sig SG55x. Versión 4: úsase únicamente no PSG-1 e é semiautomático. Versión 5: úsase na UZI e ten sistema de retroceso.

Corpo de metal

Esta mellora non é barata, pero a durabilidade e a resistencia ao dano incrementaranse, do mesmo xeito que o aspecto da arma. Os modelos antigos teñen a miúdo corpos de metal máis baratos cós novos.