Cociña/Arroz cocido

Preparación

Material necesario

Ingredientes

• Aceite (1½ culler).

• Arroz (¼ cunca × persoa).

• Auga (½ cunca × persoa).

• Sal (½ culler × persoa).

Útiles

• Culler de madeira (1).
• Ola (con tapa) (2).

Instrucións

1. Botar o aceite nunha das olas.
2. Engadir o arroz.
3. Botar o sal.
4. Poden botarse ademais outros condimentos, a gusto do cociñeiro.
5. Botar o auga na segunda ola e poñer ao lume alto.
6. Acender o lume da ola co arroz, alto tamén.
7. Remexer o arroz constantemente coa culler de madeira, pois de non facerse pode queimarse.
8. Pasados uns minutos, o auga estará a ferver e o arroz terá algo de cor. Haberá entón que verter o auga fervendo na ola do arroz. Cómpre facelo con coidado, pois da ola sairá vapor de auga ao botala.
9. Baixar ao mínimo o lume da ola co arroz. O lume da outra deberá apagarse, por suposto.
10. Remexer o arroz uns segundos coa culler de madeira.
11. Tapar a ola.
12. Deixar cocer 20 minutos. O ideal sería ir probando o arroz da superficie cada pouco unha vez cumpridos os 18 minutos, e cando estea ben —cando non estea duro—, seguir co seguinte paso.
13. Apagar o lume, deixar correr auga fría no vertedeiro —os canos agradecerano— e con coidado quitarlle o auga á ola verténdoo no vertedeiro.

Para servir, pode poñerse o arroz nunha cunca ata enchela, e poñer a cunca boca abaixo no prato, de xeito que ao erguela o arroz quede coa forma da cunca por dentro.

Parte principal

Esta gornición pode acompañar algunha destas partes principais.

Requentado

Material necesario

Ingredientes

• Aceite (1½ culler).

• Arroz xa cocido anteriormente ().

• Auga (a criterio do cociñeiro).

Útiles

• Culler de madeira (1).
• Ola.

Instrucións

1. Situar o arroz previamente cocido na ola.
2. Botar o aceite.
3. Cubrir con auga, ata que cubra todo o arroz.
4. Acender o lume.
5. Sacar a ola do lume en canto o auga comece a ferver.
6. Quitar o auga da ola na medida do posible con coidado —filtrar o auga, quedando o arroz—.