Sistemas informáticos multiusuario e en rede/Modos de acceso

Sistemas informáticos multiusuario e en rede
← Volver a Instrucións	Modos de acceso	Seguir con Caixa →

O modo de acceso dunha instrución determinará o método utilizado para acceder ás instrucións ou datos almacenados na memoria central. Os datos están almacenados na memoria central e cada un deles está identificado por un enderezo de memoria mediante o cal podemos acceder a el.

Os modos de acceso clasifícanse en:

• Modo de acceso inmediato. É cando na propia instrución está presente o dato. Neste caso non se precisa realizar ningunha clase de acceso á memoria.
• Modo de acceso directo. É cando na instrución está presente o enderezo da memoria no que está o dato. Neste caso precísase realizar un acceso á memoria para obter o dato.
• Modo de acceso indirecto. É cando na instrución está presente o enderezo onde está o enderezo no que está o dato. Isto implica realizar dous accesos á memoria para localizar o dato.
• Modo de acceso relativo. É cando para obter o enderezo de memoria onde está o dato fai falla calculalo, xa que na instrución está o chamado “desprazamento” que se sumará ao contido dun rexistro chamado “rexistro base”. Só se efectúa un acceso á memoria central para obter dito dato. É o caso, por exemplo, do traballo con matrices.

Sistemas informáticos multiusuario e en rede
← Volver a Instrucións	Modos de acceso	Seguir con Caixa →