Receitas de filloas/Filloas de leite

As receitas aquí expostas serán de carácter sinxelo, a fin de favorecer unha rápida comprensión das mesmas. Os produtos pódense atopar en calquera establecemento adicado a alimentación.

Filloas brancas amontoadas antes de servirse no xantar; pódese utilizar o procedemento de requentalas que se indica nas filloas de sangue.

Ingredientes

• un cuarto de litro de leite
• un cuarto de litro de auga
• 4 ovos
• 1 cullerada de canela (nunha culler das do café)
• fariña
• sal
• zucre
• touciño

Preparación e Presentación

• Batense os ovos cun chisco de sal e a canela, engádese despois o leite e a auga. Pouco a pouco vai engadíndoselle a fariña ata ter unha masa homoxénea e solta que de debe de deixar repousar un pouco e, se ten grumos, tense que coar. Ponse ao lume a tixola e quéntase, úntase cun ñasco de touciño e, seguidamente, bótase unha capa fina de masa.

Segue o mesmo proceso que as anteriores receitas, cando estea dourada píllase pola beira e dáselle a volta ata que se doure polo outro lado. Sérvese cun pouco de azucre. A maiores hai quen lle bota zucre glass e prégaa en forma de cruz (ata que queda un cuarto de filloa), vólvea á tixola e deixa dourala completamente (sen queimarse); segue o mesmo proceso polo outro lado, logo sérvense en forma de sobremesa (neste caso dáselle o nome de crepe).

Provén do artigo principal da Galipedia Filloa