GNU Compiler Collection/Uso básico

GNU Compiler Collection
← Volver a Linguaxes de programación soportadas	Uso básico	Seguir con Compilar dende múltiples fontes →

Compilar o executable

O xeito máis básico de utilizar o compilador GCC é compilando un ficheiro único que conteña o código fonte do programa:

gcc fonte.c

Isto resultará nun ficheiro executable co nome de a.out. Se queremos especificar o nome que terá o ficheiro executable, abonda con facer:

gcc -o executable fonte.c

Onde executable é o nome que terá o ficheiro executable resultado de compilar o código fonte, contido polo ficheiro de texto fonte.c.

Agora só queda executar o ficheiro compilado.

Compilar o código obxecto

En caso de que non queiramos compilar o executable, senón simplemente o código obxecto, utilizaremos para indicalo o argumento -c. O nome do ficheiro de saída será o mesmo que o nome do ficheiro fonte, cambiada a extensión a .o:

gcc -c fonte.c

O resultado será a creación dun ficheiro chamado fonte.o que conteña o código obxecto.

GNU Compiler Collection
← Volver a Linguaxes de programación soportadas	Uso básico	Seguir con Compilar dende múltiples fontes →