GNU Compiler Collection/Compilar dende múltiples fontes

GNU Compiler Collection
← Volver a Uso básico Compilar dende múltiples fontes


Pode darse o caso de que o código fonte dun programa estea dividido en varios ficheiros, cada un deles con distintas funcións. Dividir o código fonte en varios ficheiros resulta de gran utilidade na meirande parte das ocasións, así que cómpre saber como compilar o código neses casos.

Compilación directa editar

Por sorte non ten maior complexidade que substituír o nome do ficheiro fonte que se vai compilar por unha lista de todos os ficheiros fonte que se van compilar.

Por exemplo, imaxinemos que temos dous ficheiros (principal.c e funcions.c) que conteñen o código fonte necesario para un programa que imos chamar proba. Para compilar o programa procederemos do seguinte xeito:

gcc -o proba principal.c funcions.c

Así de doado.

Compilación dos ficheiros obxecto editar

Cómpre saber que tamén existe un método menos directo para realizar este tipo de compilacións. Se ben pode parecer innecesario o seu coñecemento, nos grandes proxectos o seu uso ten moito máis sentido e resulta moito máis eficiente que o do método anterior. Neste tipo de proxectos adoita usarse un sistema de compilación avanzado que se basea á súa vez neste método.

Trátase de realizar a compilación en varios pasos. En primeiro lugar compilaranse os distintos ficheiros fonte, resultando nos respectivos ficheiros obxecto equivalentes. A continuacións ligaranse os devanditos ficheiros nun único executable. Para o exemplo anterior sería algo coma:

$ gcc -c principal.c
$ gcc -c funcions.c
$ gcc -o proba principal.o funcions.o


GNU Compiler Collection
← Volver a Uso básico Compilar dende múltiples fontes