Formación e orientación laboral/Traballo e saúde. Riscos e causas

Formación e orientación laboral
← Volver a Prestación por desemprego	Traballo e saúde. Riscos e causas	Seguir con Danos derivados do traballo →

Os traballadores afróntanse a diferentes situacións e elementos de risco que poden ocasionar danos para a saúde. É responsabilidade de todos e cada un dos traballadores eliminalos ou, na medida do posible, evitalos.

Riscos profesionais

O concepto de risco está unido ao de probabilidade. O risco é a posibilidade de que un traballador sufra un determinado dano derivado do seu traballo.

Para comprender o concepto de risco laboral, temos que facer referencia a tres termos:

Gravidade do risco: A gravidade do risco refírese á probabilidade de que se produza o dano en relación á súa severidade. É dicir, en función das consecuencias que pode xerar. Polo tanto, a gravidade dun risco será alta se a probabilidade de que se produza e o dano que pode ocasionar son elevados.; Un exemplo podería ser o de non levar posto o casco de protección nunha obra, dado que existe un alto risco de desprendementos.

Inminencia do risco: Nalgunhas ocasións, existe unha alta probabilidade de que o risco se materialice nun accidente ou suceso non desexado de forma case inmediata, ocasionando ademais danos graves para a saúde.; O artigo 4 da Lei de Prevención define risco laboral grave e inminente como aquel que resulte racionalmente probable que se materialice nun futuro inmediato e que poida supoñer un dano grave para a saúde. Por exemplo, descoidar os medios de protección dun centro hospitalario no que un risco de exposición a un virus mortal.

Perigo: O perigo refírese a un risco cunha posibilidade moi elevada de producir un dano, grave ou non, nun período de tempo moi curto ou de forma inmediata. Un exemplo podería ser o traballador dunha empresa química que se atopa no laboratorio onde hai un escape de gas e acende un chisqueiro.

Localización de riscos

Unha vez comprendido que o termo está condicionado tanto á maior ou menor probabilidade de que aconteza como á severidade ou consecuencias que poida ocasionar, hai que detectar os riscos, é dicir, localizalos no posto de traballo. Para iso obsérvase:

procedementos de traballo ─as actuacións dos traballadores─,
equipos, ferramentas e instalacións en xeral, e
condicións do ámbito de traballo no que se levan a cabo as tarefas.

Por exemplo, as máquinas que non dispoñen de proteccións axeitadas, os equipos de protección insuficientes, unha deficiente orde e limpeza no lugar de traballo ou un sistema de ventilación inadecuado son condicións inseguras de traballo.

Causas dos riscos

Vanse diferenciar tres tipos de causas que poden provocar un accidente: as relativas ao sistema de xestión empresarial, as causas básicas e as causas inmediatas ou previas ao suceso non querido nin desexado.

Causas relativas ao sistema de xestión empresarial

Son todas aquelas que se relacionan coa xestión da prevención dentro da empresa que se materializan nas seguintes fases: avaliación, planificación, execución, control e axuste, e revisión das actividades preventivas.

Causas básicas

Son aquelas que teñen a súa orixe en factores persoais e factores relativos ao traballo.

As causas básicas axúdannos a explicar o por que se cometen actos inseguros e por que existen condicións inseguras na empresa.

Causas inmediatas

Actos e condicións que realmente provocan o accidente.

Elementos de risco

As causas permiten comprender cales son es elementos ou situacións que xeran finalmente os danos nos postos de traballo ou, noutras palabras, os factores de risco.

Elemento de risco é toda condición potencialmente produtora dun dano para a saúde e, polo tanto, a causa que provoca o dano. Estes factores de risco poden ser de seguridade, de hixiene industrial, psicosociais, de xestión ou de procesos.

Formación e orientación laboral
← Volver a Prestación por desemprego	Traballo e saúde. Riscos e causas	Seguir con Danos derivados do traballo →