Esquizofrenia/Que é?

capítulo anterior:	Historia
capítulo seguinte:	A esquizofrenia como enfermidade?

A esquizofrenia é unha enfermidade do cerebro crónica, grave e incapacitante. O un por cento da poboación é afectado por esta enfermidade nalgún momento da súa vida. Cada ano máis de dous millóns de estadounidenses desenvolven esta enfermidade. A esquizofrenia afecta ao home e á muller coa mesma frecuencia. Esta enfermidade tende a producirse nunha idade máis temperá no home, xeralmente entre os dezaseis e vinte e catro anos, mentres que na muller xeralmente se produce entre os vinte e trinta e catro anos.

As persoas con esquizofrenia a miúdo sofren síntomas aterradores tales como escoitar voces, estar convencido que outras persoas poden ler a súa mente, controlar os seus pensamentos ou conspirar en contra deles. Estes síntomas causan temor e retraemento. A fala e o comportamento son afectados e poden tornarse ata incomprensibles. Hoxe hai tratamentos que alivian varios dos síntomas pero, aínda con tratamento, moitos enfermos continúan sufrindo durante toda a súa vida. Estímase que só un de cada cinco pacientes con esquizofrenia se recupera completamente.

Actualmente existe máis esperanza para os enfermos de esquizofrenia e para as súas familias. Grazas aos estudos de investigación, estanse descubrindo medicinas con menos riscos. Tamén se está empezando a entender mellor que causa a enfermidade. Para continuar realizando avances, os científicos utilizan diversos métodos como a xenética molecular, e a epidemioloxía (estudos de como se manifesta esta enfermidade na poboación) o que vai permitindo entender mellor porqué certas persoas son afectadas. As técnicas que permiten obter imaxes das estruturas e funcións do cerebro tamén prometen avanzar o entendemento desta enfermidade.