Cociña/Proia manteigada

A Proia manteigada é un doce típico de Pontedeume cuxo principal ingrediente é a manteiga.

Ingredientes

• 1 kg de fariña de trigo.
• 1/2 kg de azucre.
• 300 gr de manteiga derretida.
• 3 ovos.
• 1 copa de anís.
• 40 gr de fermento de panadeiro.
• sal e auga.

Preparación

Faise unha masa como para facer pan coa auga, a fariña, o sal e o fermento. Déixase repousar esta masa durante 45 minutos. Transcorrido ese tempo grámase a masa, engadindo a metade do azucre, a metade da manteiga, os ovos batidos e o anís. Esténdese logo a masa nun molde metálico grande, alisando ben a superficie e engadindo o resto da manteiga e o azucre ben espallados.

Introdúcese no forno durante media hora a unha temperatura de entre 180º e 200º. Ao sacar a proia do forno e mentres está quente, espolvoréase con canela en po e salpícase cunhas gotas de anís.

Véxase tamén

Ligazóns externas

• Receita da proia no blog lacocinademaria.lacoctelera.net ^{[Ligazón morta]}