C++/Directrices para o preprocesador

C++
	Directrices para o preprocesador

O preprocesador de C++ identifica todas as liñas de código que comecen polo carácter # coma ordes para el.

#define

Cando usar #define e cando funcións substitutas

Cómpre evitar os #define sempre que non haxa unha boa razón para empregalos, e rara vez haberá tal razón. As funcións substitutas son superiores aos #define en practicamente todos os aspectos.

Pero cómpre tamén non esquecer que os #define están aí, e pode que nalgunha (remota) situación o seu uso sexa preferible ao das funcións substitutas.

#include

Para poder empregar as funcionalidades de bibliotecas de C++, hai que empregar directrices #include, que adoitan listarse ao principio do código fonte.

Biblioteca estándar

Para empregar as funcionalidades da biblioteca estándar, rodéase o nome da cabeceira estándar cos símbolos «<» e «>», tal e como pode observarse no seguinte exemplo:

#include <iostream>

En C++ pódese usar a biblioteca estándar de C. Para incluír os ficheiros de cabeceira, en vez de facelo como se fai orixinalmente en C, eludiremos a extensión de ficheiro e prefixaremos o nome orixinal do ficheiro de cabeceira (o nome que ten en C) coa letra «c». No seguinte exemplo veremos dúas liñas #include, a primeira como se facía en C, e a segunda como se fai en C++:

#include <math.h>
#include <cmath>

C++
	Directrices para o preprocesador