Python/Novidades na versión 3.1

Python
← Volver a Funcionalidades	Novidades na versión 3.1

A continuación explicaranse algúns dos cambios que sufriu Python dende a versión 3.0.

Dicionarios ordenados

Os dicionarios regulares de Python están formados por parellas clave-valor distribuídas nunha orde arbitraria. Durante anos, escribiuse moito sobre alternativas que lembrar a orde na que se inseriron as claves. Baseándose no aprendido nesas alternativas, introduciuse unha nova clase, «collections.OrderedDict».

A interface de programación de OrderedDict é practicamente a mesma que a dos dicionarios regulares pero as claves e valores organizaranse segundo o momento en que se introduciu a clave por vez primeira. De introducirse unha nova entrada que substitúa unha existente, a posición de inserción orixinal non se modifica. Borrar unha entrada e inserila de novo moverá esta ao final.

Agora a biblioteca estándar permite o uso de dicionarios ordenados en moitos módulos. O módulo configparser emprégaos de maneira predeterminada. Isto permite que os ficheiros de configuración se lean, modifiquen e volvan escribir na súa orde orixinal. O método _asdict() para collections.namedtuple() devolve agora un dicionario ordenado cos valores na orde en que están na lista fixa. O módulo json estase construíndo cun gancho object_pairs_hook para permitir que o descodificador poida crear dicionarios ordenados. Algunhas ferramentas de terceiros xa son tamén compatibles con estes dicionarios, como é o caso de PyYAML.

Python
← Volver a Funcionalidades	Novidades na versión 3.1