PHP/PHP vs ASP

PHP
	PHP vs ASP

Cómpre deixar claras algunhas diferencias entre PHP e ASP, outra linguaxe similar ao PHP en potencia e sinxelexa.

Plataforma

O PHP é multiplataforma. Así e todo, foi creado inicialmente para entornos UNIX (GNU/Linux, etc.), e é neste tipo de sistemas operativos onde se lle saca máis partido.

O ASP é unha tecnoloxía de Microsoft, e por tanto o seu uso está orientado a sistemas Windows, especialmente sistemas NT.

Forma

En PHP, as tarefas que pode realizar a linguaxe directamente defínense como funcións.

ASP é unha linguaxe orientada a obxectos.

Isto é unha cuestión meramente formal, posto que ambas as dúas linguaxes poden actuar mediante calquera dos dous procedementos.

Licenza

PHP segue a filosofía do software libre, e por tanto o seu desenvolvemento lévano a cabo colaboradores desinteresados que implementan novas funcións constantemente, as cales pasan a estar dispoñibles en cada nova versión da linguaxe.

Pola contra, ASP, ao ser un produto privativo propiedade de Microsoft, non só non é de balde, senón que para realizar certas tarefas precisa de compoñentes que han de ser mercados por separado a determinadas empresas ou programados.

PHP
	PHP vs ASP