Microsoft Visual Basic 6/Introdución aos obxectos

Microsoft Visual Basic 6
← Volver a Introdución aos procesos e funcións	Introdución aos obxectos	Seguir con Introdución á solución dos erros →

Os obxectos son un conxunto de propiedades, eventos e funcións.

Duplicar obxectos

Pódese seleccionar un obxecto visual, copialo («Editar → Copiar») e pegalo de novo («Editar → Pegar»). Entón, Visual Basic daranos dúas opcións:

• Crear unha matriz de obxectos a partir do obxecto.
• Crear un novo obxecto (cun novo identificador) coas propiedades do obxecto copiado (que poderemos cambiar despois).

Propiedades, procesos e funcións

Para acceder a unha propiedade (variable) dun obxecto, ou empregar un proceso ou función «privado» do obxecto, abonda con escribir o identificador do obxecto seguido do da propiedade, proceso ou función, separados por un punto, é dicir: «obxecto.propiedade», «obxecto.proceso» ou «obxecto.función».

Por exemplo, para acceder á propiedade Text dun obxecto caixa de tipo caixa de texto poderíase facer deste xeito:

caixa.Text = "Texto a asignar á variable."

Microsoft Visual Basic 6
← Volver a Introdución aos procesos e funcións	Introdución aos obxectos	Seguir con Introdución á solución dos erros →