Guión cinematográfico/Idea

Guión cinematográfico
← Volver a Antes de comezar	Idea	Seguir con Guión literario →

Antes de comezar a escribir o noso guión, necesitamos unha idea da que partirmos. Non se fai nada agardando tirado a que a inspiración chegue a nós por arte de maxia. Hai que buscar a inspiración, e atopala un. Por suposto, despois haberá que engadirlle traballo a esa idea, pero un guión non pode comezar se detrás del non hai unha idea. Así que daremos por sentado que xa tes a idea. Se non é así, vas aviado...

Busca. Busca a idea. Esta pode xurdir de calquera sitio, do lugar máis inesperado. Mira as noticias («a miúdo a realidade supera a ficción»), mira outros filmes ou le libros, pensa nas cousas interesantes que viviches, ou nas que viviron outros ao longo dos séculos. Hai moitos xeitos de atopar unha idea. Unha idea pode virche á mente ao observar detidamente unha bolsa de patacas fritidas, pero está claro que se non fas nada, esa bombilla que tes enriba da cabeza non ha ter enerxía que a acenda.

Guión cinematográfico
← Volver a Antes de comezar	Idea	Seguir con Guión literario →