Gettext/A finalidade de GNU gettext
Os programas adoitan estar escritos en inglés, así coma os seus manuais e documentación, e utilizan tamén o inglés á hora de executarse para interactuar co usuario. O uso dunha lingua común facilita a comunicación entre os desenvolvedores, os mantedores e os usuarios de todo o mundo. Hai proxectos que, aínda que non contan con ningún colaborador que fale inglés de forma nativa, utilizan o inglés tanto no código como de cara aos usuarios, e para comunicarse entre eles.
Por outra banda, a meirande parte da xente que non fala inglés de forma nativa síntese máis cómoda coa súa propia lingua (ou con outra distinta do inglés), e prefire usar esta outra lingua no seu traballo diario, cando utiliza videoxogos, etc. Por iso, xorden proxectos de tradución que fan posible este "soño". Voluntarios que nos achegan a unha realidade con conxuntos de aplicacións verdadeiramente multilingües.
GNU gettext é unha ferramenta fundamental para que estes proxectos de tradución consigan o seu obxectivo.