GNU Linux/Usuarios e grupos
En GNU/Linux, os usuarios poden ter ou non permisos de administración. Os usuarios, ademais, teñen que pertencer polo menos a un grupo, o seu grupo principal. Por defecto, o nome deste grupo principal coincide co do usuario.
A cada usuario asígnaselle un código. Os usuarios cun código inferior a 1000 ─habitualmente, aínda que o valor pode modificarse─ son aqueles creados polo propio sistema, e o resto son os creados polo administrador ou administradores do sistema. 0000 é o código correspondente ao usuario root.
No directorio /etc/group lístanse os grupos do sistema e mailos seus usuarios.