GNU Linux/Particións
Partición de intercambio
editar- Para comprender o obxectivo desta partición, véxase o libro sobre Sistemas informáticos multiusuario e en rede.
Todas as particións de intercambio teñen en común o sistema de ficheiros, pois este deseñouse especificamente para este tipo de partición.
No que respecta ao tamaño que ten que ter a partición de intercambio, outrora recomendábase o dobre da memoria RAM instalada, pero na actualidade pode que non sexa precisa semellante cantidade, dado o tamaño das memorias RAM actuais. Tendo en conta tamén o enorme tamaño dos discos duros actuais, quizais o mellor sexa que a partición de intercambio estea entre os dous e os tres xigabytes.