Física/Preliminais/Definición de Física

A física é a ciencia dedicada ao estudo dos fenómenos naturais. Estuda as propiedades do espazo, o tempo, a materia e a enerxía, así como as súas interaccións.

A física é unha das disciplinas académicas máis antigas, quizais a máis antiga grazas á inclusión da astronomía.

Durante os últimos dous milenios, a física foi considerada sinónimo de filosofía, química e certas ramas das matemáticas e da bioloxía, pero durante a Revolución Científica do século XVII emerxeu para converterse nunha ciencia moderna, única por dereito propio. Porén, nalgunhas esferas como a física matemática e a química cuántica, os límites da física seguen sendo difíciles de distinguir.

Algunhas ramas da física son: a óptica, a acústica, a mecánica de fluídos, a física nuclear, a biofísica, a química física, o electromagnetismo, etc.