|
==Ámbito==
É importante ter sempre en conta a diferencia entre tipos de variable locais e globais, e como declarar variables de cada un deles. Para declarar unha variable local, hai que emprazar a declaración ao comezo do bloque para o que a variable será local. Para declarar unha variable global, declara a variable fóra de calquera bloque. As variables globais poden ser lidas e escritas dende calquera punto do teu programa.
As variables locais estanestán consideradas coma unha mala práctica de programación, e deberían evitarse sempre que fose posible. Dificultan a lectura do código, crean conflitos cos nomes e poden dificultar a localización de erros de programaciónnos (''bugs'')programas. O uso abusivo de variables locais adoita ser signo de pereza e/ou pobreza no deseño. De todos xeitos, nunha situación en que as variables locais poderían crear código máis difícil de ler, non hai problema en utilizar as globais. Máis adiante veremos exemplos de funcións que son máis difíciles de escribir se o facemos sen unha variable global.
==Outros modificadores==
Velaquí máis modificadores fornecidos polo estándar C para completar. Para o programador principiante poderán ser de utilidade <tt>static</tt> e <tt>extern</tt>. <tt>volatile</tt> resultaralle máis interesante aos programadores avanzados. <tt>register</tt> e <tt>auto</tt> son amplamente desprezados e non adoitan ser de interese para os programadores, sen importar o seu nivel.
<tt>'''static'''</tt> pode ser ás veces unha palabra clave útil.
Existe a falsa crenza de que o seu único propósito é o de facer que unha variable permaneza na memoria. Cando declaras unha función ou variable global como estática (<tt>static</tt>) vólvese interna. Non poderás acceder a esa función ou variable dende a palabra clave exterior dos outros ficheiros do teu proxecto.
Cando declaras unha variable local como estática, créase coma calquera outra variable. Así e todo, ao saíren do ámbito da variable (por exemplo, remata o bloque para o cal era local) a variable permanece na memoria, quedándose co seu valor. A variable permanece na memoria ata que remata o programa. Aínda que este comportamento aseméllase ao das variables globais, diferéncianse en que as variables estáticas seguen a obedecer ás regras do ámbito e por tanto non pode accederse a elas dende fóra deste.
As variables declaradas coma <tt>static</tt> inicialízanse co valor nulo (<tt>0</tt>) por defecto.
Podes utilizar <tt>static</tt> de, polo menos, dúas maneiras. Imaxinemos un código que forma parte do ficheiro <tt>gfile.c</tt>:
<source lang=c>
#include <stdio.h>
static int g = 0;
void arriba(void)
{
/* Asígnaselle o valor 0 a l cando se inicia o programa. Daquela o resto
* do programa ignora a liña (por exemplo, non se lle asigna o valor 0 a
* l cada vez que se chama a arriba()
*/
static int l = 0;
g++;
l++;
printf("Chamouse a arriba(). l= %2d, g= %2d\n", l , g);
}
void abaixo(void)
{
static int l = 0;
g--;
l--;
printf("Chamouse a abaixo(). l= %2d, g= %2d\n", l , g);
}
int main(void)
{
int i;
// Chama á función arriba 3 veces, e logo á función abaixo dúas.
for (i= 0; i < 3; i++)
arriba();
for (i= 0; i < 2; i++)
abaixo();
return 0;
}
</source>
A variable <tt>g</tt> é accesible a través de <tt>arriba</tt> e <tt>abaixo</tt> e mantén o seu valor. As variables <tt>l</tt> tamén manteñen o seu valor, pero hai dúas variables distintas en cada un dos ámbitos. As variables estáticas son un bo xeito de utilizar ''encapsulación'', un termo sacado do modo de pensar orientado a obxectos que ben significando non admitir a realización de cambios nunha variable agás por chamadas de funcións.
O programa producirá a seguinte saída:
<source lang=c>
Chamouse a arriba(). l= 1, g= 1
Chamouse a arriba(). l= 2, g= 2
Chamouse a arriba(). l= 3, g= 3
Chamouse a abaixo(). l= -1, g= 2
Chamouse a abaixo(). l= -2, g= 1
</source>
<tt>'''extern'''</tt> úsase cando un ficheiro necesita acceder a unha variable noutro ficheiro que podería non estar incluída (<tt>#include</tt>) directamente. Pero en realidade <tt>''extern''</tt> non crea espazo para unha nova variable, senón que fornece ao compilador de información abondo para acceder á variable remota.
'''<tt>volatile</tt>''' é un tipo de modificador especial que informa ao compilador de que o valor da variable podería cambiarse por entidades externas alleas ao propio programa. Isto é necesario para certos programas compilados con optimizacións -se non se definise unha variable como <tt>volatile</tt> o compilador podería asumir que certas operacións relativas á variable pódense optimizar cando en realidade non poden. <tt>volatile</tt> é particularmente relevante ao traballarmos con sistemas integrados (nos que o programa podería non ter un control total dunha variable) e aplicacións multifío.
<tt>'''auto'''</tt> é un modificador que especifica unha variable "automática" que se crea automaticamente ao estar no ámbito e se destrúe ao saír. Se pensas que isto semella o que levas facendo todo o tempo ao declarar unha variable, estás no certo: tódolos elementos dentro dun bloque son de maneira implícita "automáticos". Por esta razón, a palabra clave <tt>auto</tt> é máis a resposta a unha pregunta trivial que un modificador útil, e existen unha morea de programadores moi competentes que nin sequera están ao tanto da súa existencia.
'''<tt>register</tt>''' é unha chamada ao compilador para que intente optimizar o almacenamento da variable dada almacenándoa nun rexistro do procesador da computadora ao iniciar o programa. A maioría dos compiladores con optimización fano de todos xeitos, polo que o uso desta palabra clave non adoita ser necesario. De feito, ANSI C di que un compilador pode ignorar esta palabra clave se quere -e moitos fano. O Visual C++ de Microsoft é un exemplo dunha implementación que ignora completamente a clave <tt>register</tt>.
==Declaración de variables==
==Ámbito das variables==
Segundo onde declaremos as variables, falaremos de variables [[{{PAGENAME}}#Globais|globais]] ou [[{{PAGENAME}}#Locais|locais]].
===Globais===
As variables globais decláranse fóra de todo bloque.
===Locais===
Chamámoslles variables locais ás que están definidas dentro dun bloque de sentencias. Estas variables pertencen ao bloque, e por tanto só poden utilizarse nel.
Podemos, por exemplo, traballar en distintos bloques con dúas variables que se chaman igual, porque ningunha pode traspasar as fronteiras do seu bloque.
| 