C/Variables: Diferenzas entre revisións
Contido eliminado Contido engadido
Traduzo dende en:C Programming |
Traduzo dende en:C Programming outro pouco |
||
Liña 1:
{{Navegador|Manexo de erros|Entrada e saída simples}}
Coma a maioría das linguaxes de programación, C é quen de usar e procesar as chamadas variables e mailo seu contido. As '''variables''' son simples verbas usadas para referirse a unha localización na memoria - unha localización pode conter un valor co que esteamos a traballar.
Axudaría pensar nas variables coma aquelas que lle gardan un sitio a un valor. Podes pensar nunha variable como aquilo que equivale ao seu valor. Polo tanto, se tes unha variable <code>i</code> que recibe o valor <code>4</code>, entón <code>i+1</code> será equivalente a <code>5</code>.
Posto que C é relativamente unha linguaxe de programación de baixo nivel, antes de que un programa en C poida utilizar memoria para almacenar unha variable debe reclamar a memoria requerida para almacenar os valores desa variable. Isto faise ao '''declarar''' variables. Declarar variables é a forma que ten un programa en C para amosar o número de variables que precisa, o nome que van ter, e a cantidade de memoria que necesitarán.
Na linguaxe de programación C, ao manexar e traballar con variables, é importante coñecer o ''tipo'' de variables e o seu ''tamaño''. Xa que C é unha linguaxe de programación de nivel bastante baixo, estes aspectos dos seu funcionamento poden ser específicos para cada hardware, é dicir, como a linguaxe está feita para traballar nunha tipo de computadora pode ser distinta de como é para traballar noutra.
'''Todas''' as variables en C están suxeitas a un "tipo". Isto quere dicir que toda variable declarada deberá asignarse a un certo tipo.
==Declarar, inicializar e asignar variables==
No seguinte exemplo declararase un número enteiro (''integer'' en inglés), que chamaremos <code>numero_calquera</code>. Non esquezas facer fincapé no punto e coma en que remata a liña, pois así rematarán todas as declaracións.
'''<font style="color:#1b991b">int</font>''' numero_calquera;
Esta declaración significa que estamos a reservar espazo para unha variable chamada <code>numero_calquera</code>, a cal será usada para almacenar datos dun número enteiro (''<code>int</code>teger'' en inglés). Nótese que temos que especificar o tipo de datos que almacenará a variable. Hai palabras clave específicas para facer isto, e verémolas a continuación.
Pódense declarar múltiples variables cunha soa declaración, deste xeito:
'''<font style="color:#1b991b">int</font>''' un_numero, outro_numero, outro_mais;
Tamén podemos declarar e asignarlle algún contido á variable ao mesmo tempo. Isto chámase inicialización porque é cando o se lle asigna á variable o valor inicial.
'''<font style="color:#1b991b">int</font>''' numero_calquera=<font style="color:#ff48ff">3</font>;
En C, todas as declaracións de variables (agás as globais) deberían de facerse ao comezo dun bloque. Algúns compiladores non permiten declarar variables, engadir outras declaracións, e declarar entón máis variables. As declaracións de variables (se hai algunha) deberían de ser sempre o principio de cada bloque.
Tras declarar as variables, podes asignarlle un valor a unha variable máis adiante mediante a seguinte declaración:
numero_calquera=<font style="color:#ff48ff">3</font>;
Tamén lle podes asignar a unha variable o valor doutra, deste xeito:
un_numero = outro_numero;
Ou asígnalles a máis dunha variable o mesmo valor con esta declaración:
un_numero = outro_numero = outro_mais = <font style="color:#ff48ff">3</font>;
===Nomear variables===
Os nomes das variables en C compóñense de letras (maiúsculas e minúsculas) e cifras. Tamén está permitida a ''barra baixa'' ('''_'''). Os nomes non poden comezar cunha cifra, e ao contrario que outras linguaxes coma [[w:Perl|Perl]] e algúns dialectos de [[w:BASIC|BASIC]]), C non fai uso de ningún prefixo especial nos nomes das variables.
Estes son algúns exemplos de variables válidas (no referente á sintaxe, claro):
mexanpornosetemosquedicirquechove
Cervexa
BIC
non_si
_e_logo
_
IsoSi
Agora exemplos de variables que non valen:
2_cervexas <font style="color:blue">// Non pode comezar cunha cifra</font>
non si <font style="color:blue">// Non se poden usar espazos nos nomes</font>
while <font style="color:blue">// Tampouco valen as palabras clave da linguaxe C, tales coma "for", "if", "else"</font>
Quero_€_e_$ <font style="color:blue">// Carácteres coma € e $ non se poden usar, só letras, números e _</font>
E_logo? <font style="color:blue">// E dalle! "?" non é unha letra, nin un número, nin moito menos _</font>
isto_é_algo <font style="color:blue">// Non, nada de tils, así que nada de á, é, í, ó, ú</font>
pingüin_voador <font style="color:blue">// Nada de lle poñer puntiños enriba ao u</font>
ñu <font style="color:blue">// Dá a casualidade de que o ñ tampouco vale</font>
çà&#... <font style="color:blue">// En fin, ante as dúbidas, comprobade se o que escribides está no '''[[w:Alfabeto_latino#Grafemas fundamentais|alfabeto latino fundamental]]''', é unha cifra ou é '''_'''</font>
Como dí o terceiro exemplo, algunhas verbas están reservadas coma parabras clave na linguaxe C, polo que non se poden usar coma nomes de variable.
Ademáis, hai certas verbas que , aínda que non son palabras clave en C, están reservadas por unha ou outra razón. Pero un principiante non debería preocuparse disto, e posto que estas verbas están escritas en inglés, se utilizas o galego ou outra lingua e evitas os caracteres non válidos non deberías de ter maior problema.
As regras para nomear variables en C aplícanse tamén a outras construccións da linguaxe tales coma nomes de funcións, etiquetas de estrutura, macros... e demáis que veremos máis adiante.
==Literais==
En calqura momento nun programa no que especifiques un valor esplícito en vez de te referires a unha variable ou outro tipo de dato, ese valor considérase '''literal'''. No exemplo anterior de inicialización, <font style="color:#ff48ff">3</font> é un literal. Os literais poden tomar unha forma definida polo seu tipo (verémolo máis adiante) ou pódese usar o sistema hexadecimal (hex) para inserir directamente datos na variable sen ter en conta o seu tipo. Os números hexadecimais van sempre precedidos de ''0x''. Polo de agora, non tes por que estar interesado nos números hexadecimais, non te preocupes.
==Tipos==
Na linguaxe C estándar hai catro tipos básicos de variable:
===<code>int</code>===
As variables de tipo <code>int</code> almacenan números enteiros. O seu tamaño habitual é de 32 bits, aínda que as computadoras de 64 están a extenderse. Exemplos de literais son números enteiros coma 1, 2, 3, 6, 13, 102... Cando un <code>int</code> é de 32 bits, pode almacenar calquera número enteiro entre o -2147483648 e o 2147483647. Pero tampouco te preocupes de memorizar isto.
'''<font style="color:#1b991b">int</font>''' NumeroDePaxinas, i, l=<font style="color:#ff48ff">5</font>;
Nesta declaración declaramos tres variables: <code>NumeroDePaxinas</code>, <code>i</code> e <code>l</code>, séndolle a éste último asignado o literal <font style="color:#ff48ff">5</font>.
===The <code>char</code> type===
|