HTML/HTML 4: Diferenzas entre revisións
Contido eliminado Contido engadido
Completado |
m Bot: Cambios estética |
||
Liña 5:
A versión 4.01 foi unha revisión da versión 4 na que se corrixiron algúns erros e se fixeron algúns cambios.
== Internacionalización ==
Esta versión da HTML deseñouse coa axuda de espertos no campo da internacionalización, de xeito que os documentos puidesen escribirse en calquera lingua e enviarse facilmente por todo o mundo.
Agora HTML conta cun mellor soporte para unha gran variedade de linguas. Isto facilita a análise dos documentos por parte dos motores de busca, unha tipografía de maior calidade, unha mellor conversión do texto á fala, unha mellor separación de palabras ao final das liñas, etc.
== Accesibilidade ==
HTML deseñouse para que a rede fose máis accesible para aquelas persoas con algún tipo de limitación física. Con respecto a esta cuestións, fíxose especial fincapé nos seguintes puntos:
* Mellorar a distinción entre a estrutura dos documentos e maila súa presentación, apostando polo uso de follas de estilo en vez de os elementos de presentación e mailos atributos de HTML.
* Mellorar os formularios, coa inclusión de claves de acceso, a posibilidade de agrupar os controis dos formularios segundo a súa semántica, a de agrupar as opcións <code>SELECT</code> segundo a súa semántica, as etiquetas activas, etc.
* A posibilidade de marcar un texto descritivo nun obxecto incrustado (mediante o elemento <code>OBJECT</code>).
* Un novo mecanismo para os mapas de imaxes ─o elemento <code>MAP</code>─, do lado do cliente, que permite aos autores combinar imaxes e ligazóns de texto─.
* A obrigatoriedade de que tanto as imaxes engadidas mediante elementos <code>IMG</code> como os mapas de imaxes engadidos mediante o elemento <code>AREA</code> vaian acompañados dun texto alternativo.
* Soporte para os atributos <code>title</code> e <code>lang</code> en todos os elementos.
* Soporte para os elementos <code>ABBR</code> e <code>ACRONYM</code>.
* Destinado a uns medios máis variados ─a liña de ordes, o braille, etc.─ para o uso de follas de estilo.
* Unhas mellores táboas, incluíndo pés de táboa, grupos de columnas, e mecanismos para facilitar o procesado non visual.
* Descricións longas de táboas, imaxes, marcos, etc.
Os deseñadores que pensan en cuestións de accesibilidade vense recompensados con esta última versión non só pola satisfacción de estar abríndolle as portas a unha comunidade máis ampla e variada, senón porque os documentos HTML ben deseñados que diferencian a estrutura da presentación se adaptarán mellor ás novas tecnoloxías.
== Táboas ==
Grazas a esta última versión os creadores de páxinas web gozan dun maior control sobre a estrutura e a distribución dos elementos (por exemplo, grazas aos grupos de columnas). A posibilidade de que os deseñadores recomenden un ancho de columna permite que os programas de lectura amosen os datos das táboas inmediatamente ─a medida que cheguen─ en vez de agardar a que chegue toda a táboa antes de procesala.
== Documentos complexos ==
Esta especificación de HTML fornece un mecanismo estándar para a integración de obxectos ''multimedia'' e aplicacións xenéricos nos documentos HTML. O elemento <code>OBJECT</code> ─xunto cos elementos <code>IMG</code> e <code>APPLET</code>, máis específicos─ fornece un mecanismo para incluír nos documentos HTML imaxes, vídeos, sons, fórmulas matemáticas, aplicacións especializadas, e outros obxectos. Asemade, permítelle establecer ao autor unha xerarquía de procesamentos para aqueles programas de lectura que non soporten un método de procesamento concreto.
== Follas de estilo ==
As follas de estilo simplifican a linguaxe de marcado HTML e libérana en gran medida das responsabilidades que representa a presentación do contido. O control sobre a forma en que se presentan os documentos compárteno agora autor e lector ─tipos de letra, aliñamento, cores, etc.─.
Liña 38:
Os mecanismos para asociar follas de estilos con documentos son independentes da linguaxe das follas de estilo.
== Guións ==
Os autores poden crear páxinas web dinámicas mediante o uso de guións de ordes. Un claro exemplo podería ser o dun formulario que vai cambiando a medida que o usuario vai introducindo nel datos.
Os mecanismos fornecidos para incluír guións nos documentos HTML son independentes da linguaxe utilizada para tal fin.
== Impresión ==
Ás veces os autores quererán facilitarlle aos usuarios a impresión de máis dun documento cando o documento que se está visualizando forma parte dunha obra maior. A relación entre os distintos documentos pode describirse mediante o elemento <code>LINK</code> ou mediante o RDF do W3C.
Liña 50:
<!-- Categorías: -->
[[Categoría:HTML ─ Limiar|HTML 4]]
| |||