Bash/Iniciar

Bash
← Volver a Funcionalidades	Iniciar	Seguir con Configurar como a terminal predeterminada →

Para acceder a Bash nun sistema GNU/Linux pódese facer dende o ambiente de escritorio, mediante unha interface gráfica para a terminal, ou ben directamente, sen necesidade de ter activo o modo gráfico.

Acceder dende un ambiente de escritorio

Acceder a unha das terminais

Dende un ambiente de escritorio, pódese acceder a unha terminal mediante o atallo de teclado Ctrl + Alt + [terminal], onde [terminal] substituirase por F1, F2, F3, etc. segundo se queira empregar a terminal número 1, 2, 3, e así ata a 6. Para volver ao ambiente de escritorio pode premerse en calquera momento o atallo Ctrl + Alt + F7.

En calquera destas 6 terminais, o sistema solicitará que se introduza un nome de usuario. Unha vez introducido e premido «Intro», haberá que introducir o correspondente contrasinal e premer «Intro» de novo.

Iniciar en modo gráfico

Para iniciar unha terminal en modo gráfico pode facerse mediante unha interface gráfica para tal fin. Algúns exemplos son Konsole ou GNOME Terminal.

Iniciar dende outra terminal

Se a terminal predeterminada do usuario non é Bash, pódese iniciar Bash tan só con introducir a orde «bash» na terminal predeterminada.

Bash
← Volver a Funcionalidades	Iniciar	Seguir con Configurar como a terminal predeterminada →