Análise e deseño detallado de aplicacións de informática e de xestión/Transformación do esquema conceptual no lóxico estándar
| Análise e deseño detallado de aplicacións de informática e de xestión | ||
| ← Volver a Etapas do deseño lóxico | Transformación do esquema conceptual no lóxico estándar | Seguir con Regras do modelo básico → |
Existen tres regras básicas para converter un esquema no modelo entidade-relación ao relacional:
- Toda entidade convértese nunha relación.
- Toda relación N:M convértese nunha relación.
- Para toda relación 1:N realízase xeralmente a chamada "propagación de clave", ou ben créase unha nova relación.
Dado que o modelo relacional non distingue entre entidades e relacións, ambos os dous conceptos deben presentarse mediante relacións. Isto implica unha perda de semántica con respecto ao esquema entidade-relación, xa que as relacións N:M non se distinguen das entidades e as 1:N represéntanse mediante unha propagación de clave, desaparecendo incluso o nome da relación. É dicir, a favor da solución lóxica pérdese semántica, que queda implícita nas relacións.
Hai que buscarse a vida para representar no modelo relacional aquelas características que non é posible representar directamente, de xeito que logo se integren efectivamente no sistema mediante disparadores, procedementos almacenados ou procedementos de usuario, cos problemas que neste último caso podan aparecer relativos ao mantemento da integridade do sistema.
| Análise e deseño detallado de aplicacións de informática e de xestión | ||
| ← Volver a Etapas do deseño lóxico | Transformación do esquema conceptual no lóxico estándar | Seguir con Regras do modelo básico → |