Análise e deseño detallado de aplicacións de informática e de xestión/Modelos de bases de datos

Análise e deseño detallado de aplicacións de informática e de xestión
← Volver a Software de xestión de bases de datos	Modelos de bases de datos	Seguir con Tipos de usuarios das bases de datos →

Existen cinco grandes modelos de relación da información almacenada en bases de datos:

• xerárquico,
• en rede,
• orientado a obxectos,
• distribuído e
• relacional.

Dos cinco modelos, os dous primeiros están obsoletos, e o último, o relacional, é con diferencia o máis utilizado.

Modelo de datos distribuídos

Neste modelo, os datos están distribuídos en diferentes máquinas. Por unha banda, pode accederse á información de maneira máis eficiente. Pola outra, este sistema é dunha gran complexidade, o cal aumenta os custos económicos, así como a probabilidade de cometer algún erro.

Modelo de datos relacional

Edgar F. Codd desenvolveu para IBM o modelo de datos relacionais. Salienta polo uso de táboas de dúas dimensións (filas e columnas), e é o sistema máis utilizado.

Componse de filas, tamén nomeadas rexistros, e de columnas, tamén nomeadas campos ou atributos. En toda base de datos relacional hai unha clave, un atributo ou conxunto de atributos que identifican cada fila de maneira única (o valor dese campo é distinto en cada fila).

Entre as vantaxes deste modelo salienta a visión conceptual sinxela que o caracteriza e a independencia física e lóxica (este modelo non precisa dun software específico).

Análise e deseño detallado de aplicacións de informática e de xestión
← Volver a Software de xestión de bases de datos	Modelos de bases de datos	Seguir con Tipos de usuarios das bases de datos →