AJAX/Historia
| AJAX | ||
| Historia | Seguir con Tecnoloxías → | |
Aínda que o termo «AJAX» acuñouse por ver primeira no ano 2005, a historia das tecnoloxías que o conforman remóntase a unha década antes, coa iniciativa de Microsoft
no desenvolvemento de tecnoloxía de linguaxes interpretadas remota. Porén, as técnicas para a carga asíncrona de contidos nunha páxina sen necesidade de cargar a páxina completamente de novo remóntanse aos temos do marco incrustado (introducido no ano 1996 no Internet Explorer 3) e das capas (introducidas en Netscape 4 en 1997, e abandonado durante as primeiras etapas de desenvolvemento de Mozilla). Ambos os dous tipos de elemento tiñan o atributo src, que podía tomar calquera URL externo, e cargando unha páxina que contivese JavaScript que manipule a páxina paterna, podían lograr efectos similares aos de AJAX.
O Microsoft's Remote Scripting (MSRS), introducido en 1998, resultou un substituto máis elegante para estas técnicas, con envío de datos mediante un trebello Java, que podía comunicarse co cliente mediante JavaScript. Esta técnica funcionou en ambos os dous navegadores, Internet Explorer 4 e Netscape Navegator 4. Microsoft empregouna no Outlook Web Access provisto coa versión 2000 de Microsoft Exchange Server.
A comunidade de desenvolvemento web, primeiro colaborando mediante o grupo de novas microsoft.public.scripting.remote e despois por medio de bitácoras, desenvolveron unha gama de técnicas de linguaxe interpretada remota para conseguir os mesmos resultados en distintos navegadores. Os primeiros exemplos inclúen a biblioteca JSRS no ano 2000, a introdución á técnica image/cookie no mesmo ano e a técnica mediante JavaCript “baixo demanda” (JavaScript on Demand) no ano 2002. Nese mesmo ano realizouse unha modificación por parte da comunidade de usuarios ao Microsoft's Remote Scripting para substituír o trebello de Java por XMLHttpRequest.
En 2003 apareceron infraestruturas de linguaxe interpretada remota coma ARSCIF4, pouco antes de que Microsoft introduxese Callbacks en ASP NET.
Dende que XMLHttpRequest foi introducido na meirande parte dos navegadores web, raramente se empregan outras técnicas. Porén, aínda se utilizan onde se precisa de maior compatibilidade, unha reducida integración, ou acceso cruzado entre sitios web. Unha alternativa, o Terminal SVG (baseado en SVG), emprega unha conexión persistente para o intercambio continuo entre o navegador e mailo servidor.
| AJAX | ||
| Historia | Seguir con Tecnoloxías → | |